நிறுத்தக் குறிகள்

நிறுத்தக் குறிகள்
காற்புள்ளி	,	ஒரு தொடரில் பல பொருள்கள் அடுக்கி வரும்போது குறிக்கப்படுவது. மா, பலா, வாழை ஆகியவற்றை முக்கனி என்பர்.
அரைப்புள்ளி	;	ஓர் எழுவாய், பல பயனிலைகளைப் பெற்று வரும்போது, ஒவ்வொரு பயனிலையின் இறுதியிலும் குறிக்கப்படுவது. காளையின் கொம்பைப் பிடித்தல் ஆண்மை; வாலை பிடித்தல் தாழ்மை
முற்றுப்புள்ளி	.	ஒரு தொடர் முடிவு பெற்றதனை உணர்த்துவதற்காகக் குறிக்கப்படுவது. (எ.கா.) எனக்கு மட்டைப்பந்து விளையாடப் பிடிக்கும்.
வினாக்குறி	?	ஒரு தொடர் வினாப்பொருளைத் தரும்போது குறிக்கப்படுவது (எ.கா.) அப்பா என்னால் பறக்க முடியாதா?
உணர்ச்சிக்குறி	!	ஒரு தொடர் உணர்ச்சியை வெளிப்படுத்துமானால் குறிக்கப்படுவது (எ.கா.) என்னே! கங்கை கொண்ட சோழபுரக் கோவிலின் அழகு!
ஒற்றை மேற்கோள்குறி	’  ‘	ஒரு தொடரில் நூல் பெயர், கட்டுரை பெயர், பழமொழி முதலியன வந்தால் குறிக்கப்படுவது (எ.கா.) பிரபஞ்சனின் படைப்புகளுள் ‘வானம் வசப்படும்’ என்னும் நூல் குறிப்பிடத்தக்கது.
இரட்டை மேற்கோள் குறி	”  “	ஒரு தொடரில் ஒருவர் கூறியதை நேர்கூற்றாகக் கூறும்போதும், ஒரு தொடரை மேற்கோளாகப் பயன்படுத்தும் போதும் குறிக்கப்படுவது. (எ.கா.) “கண்வனப்பு கண்ணோட்டம்” என்று சிறுபஞ்சமூலம் குறிப்பிடுகிறது.